Construímos o ambiente da escea segunda...

Nenas e nenos, como xa sabedes, a segunda escea da nosa obra sobre Rosalía comeza cun neno durmindo nunha cama, co espazo ás escuras. No fondo da escea irán sucedéndose imaxes de Álvaro Cunqueiro, Castelao e Rosalía de Castro. Pero seredes vós os que pescudaredes na rede para recollelas. Seguide estas instrucións:

1º Premede o botón dereito do rato sobre o escritorio e ide a "Novo" e logo picade en "Cartafol". Nese cartafol iredes metendo as imaxes que atopedes.

2º A continuación, colocade o punteiro sobre o cartafol, pulsade o botón dereito do rato e picade en "Renomear". Poñerédeslle nome ao cartafol, por exemplo "Imaxes da obra"

3º Entrade en Internet. Escribide na barra de tarefas www.google.com e logo ide a "Imaxes". Alí ide escribindo Cunqueiro, Castelao e Rosalía de Castro; pulsade sobre a imaxe que vos guste dándolle ao botón dereito e seleccionando "Copiar".

4º A continuación, ide ao cartafol de Imaxes da obra, entrade nel. Entón, premedes o botón dereito do rato e picades en "Pegar".

5º Repetide a operación para as imaxes que vos gusten até que teñamos un bo arquivo onde poder elixir.


Ánimo! O tempo pasa!

A elaboración dos decorados e a dramatización lida: seguimos no camiño!

Hoxe estivemos traballando na elaboración dos decorados e dándolle forza dramática á lectura do texto. Os nenos/as seguen a mellorar no manexo da cámara de vídeo e na de fotos. Estivemos pensando que os sons de fondo para as esceas imos saír a gravalos co mp3 ao río e ao monte, témolos aquí moi preto de nós. Os bardos introducen a obra cuns versos da Rosalía, establécense pequenas complicidades entre eles/as, e sobre todo, estamos a aprender a través do teatro. Estamos mellorando moito. Pero...David! Non che pode entrar a risa ao ler, lembra que eres un actor! Ánimo!
Aquí un pequeno vídeo do traballo cos decorados e os cartaces da Rosalía:

Untitled from Lois Diaz on Vimeo.

Comezamos coas lecturas colectivas: a obra bota a andar!

No día de hoxe deixamos case rematados os murais que quedarán pendurados do telón, e que doutra banda son o símbolo do proxecto que estamos a facer. Tamén comezamos a dramatizar un pouquiño o texto da obra e fixemos algunhas correcións. Tamén, algúns nenos e nenas seguiron a gravar en vídeo e a sacar fotos de todo o proceso. O máis curioso é ver como van collendo vida as personaxes da obra, aínda que hai algo de preocupación nos nenos/as: non saben se conseguirán memorizar os seus papeis. Non vos desanimedes! A nosa cabeza é máis potente do que pensamos!

Hoxe pintamos e lemos á Rosalía!

Ben, nenas e nenos, hoxe pintaremos á Rosalía de Castro. O primeiro grupo comezará traballando nos ordenadores, para procurar información sobre a poetisa; o segundo grupo comezará a pintar os murais e lerá algúns poemas e o terceiro grupo adicarase a recoller varias esceas do traballo realizado.

Seguiremos unha quenda que nos permita facer as tres cousas ao longo da sesión. Así que ánimo, se nos dera tempo leremos algo da obra para comezar cos ensaios mañá mesmo. E non esquezades poñer as respostas sobre a webquest da Rosalía na entrada anterior!

Mañá comezamos os ensaios. Xa queda pouco para o máis divertido!

Aquí vai un pequeno vídeo do equipo de gravación, integrado nesta ocasión por Sara de 4º e Alba de 3º:

gravación feita polos nenos e nenas da actividade from Lois Diaz on Vimeo.

Mañá estarán dispoñibeis algúns vídeos das vosas lecturas. Un saúdo, nen@s!

Para abrir boca, deixámosvos algo máis:dunha banda, o texto da obra, e algunha cousiña máis por se queredes pescudar sobre o teatro:

Os es

View more documents from Loisperez.

Escenografía teatral

View more presentations from alejandra4280.

PARTES DEL TEATRO GRIEGO

View more presentations from Nausica.

Rosalía en Sofán: Hoxe comeza a aventura, nen@s!

Nenas e nenos do segundo ciclo. Hoxe comeza a aventura. Ao longo do próximo mes, mergullarémonos na figura de Rosalía de Castro, pero non só iso; mergullarémonos tamén nos seus poemas, e no teatro, na música, e tamén na gravación e na fotografía. Será a palabra de Rosalía quen nos indique o camiño, e seredes vós, coa axuda de Charo e Lois, os protagonistas desta viaxe.

Os dezaoito nenos e nenas que formades o ciclo, formaredes tres grupos de traballo, que se irán mesturando en moitos momentos da actividade, segundo o que fagamos en cada intre. Pintaremos, ensaiaremos, gravaremos, leremos, entrevistaremos, e finalmente tentaremos estrear a nosa obra de teatro co gallo do Día das Letras Galegas.

Coas vosas gravacións e coas vosas fotografías, recolleremos todo o proceso de creación da obra: dende hoxe ata que chegue a data do estreo. Moita sorte!! Vós podedes!!

O primeiro que imos facer hoxe será expoñer o traballo, e logo comezaremos a investigar un pouquiño na vida e na obra de Rosalía de Castro, que é esta muller e poetisa que estades a ver no debuxo do blogue. Que sabemos dela? Imos aló!! Agardando poder publicar todas as vosas impresións, deixámosvos aquí as impresións moi atinadas e curiosas de catro dos protagonistas: Edu, Sonia, Paula S. e Ángel(nótese a pronunciación "categórica" de máis por parte do entrevistador na primeira parte do vídeo,desculpen):

Untitled from Lois Diaz on Vimeo.

Paula e Eloy:

Untitled from Lois Diaz on Vimeo.

Nerea e Nacho:

Untitled from Lois Diaz on Vimeo.

Sara e David:

Untitled from Lois Diaz on Vimeo.

Cando rematedes de ler esta información, teredes que pulsar no seguinte enlace, para aprender un pouquiño máis sobre esta artista, unha das figuras máis importantes e representativas da literatura e cultura galega, e universal tamén. Veña! Non vos durmades, pinchade aquí:

http://www.as-pg.com/webquests/derosalia/index.html


Logo de ler e investigar no enlace, teredes que deixar en comentarios a seguinte información: que foi o que máis vos chamou a atención do que aprendéstedes? Cando e onde naceu Rosalía? Que pensades sobre o que imos facer: doado ou difícil? Como pensarades que resultará?

Hoxe inauguramos o horto da escola!

Ditado de Lingua Galega

Hoxe foi un día especial, tamén. Dora e María, dúas das avoas do noso alumnado, aprendéronnos a facer un horto. Prantamos cebolas, patacas, cenorias, leitugas e flores.
Puidemos observar o xeito no que hai que traballar a terra e algúns nenos e nenas puideron axudarlles hoxe ás avoas no traballo que fixeron.
O máis importante vén agora, pois teremos que coidar día a día o noso horto, para poder recoller todo o que prantamos.
Se traballamos ben, cecais poidamos degustar unhas ensaladas e unhas tortillas de patacas antes de que remate o curso.

Atopamos algunha cousiña verbo da actividade de hoxe:


No mes de Santos, a máis tardar, ponte a sementar.
No mes de Santos sacha a horta e capa o rancho.

Volta das vacacións

Voltamos das vacacións preparados e preparadas para afrontar o último tramo do curso. E xa estamos a traballar no Día da Árbore, que finalmente celebraremos, se non hai novidade, o vindeiro venres. Para iso estamos dándolle os últimos retoques ao noso conto, que imos compartir co resto da escola, e no que as nenas e nenos de terceiro serán actores e actrices, e por suposto, contadores e contadoras. Arestora, andamos cos ensaios do conto, e aínda podemos mellorar, pero faltounos Paula onte e mandámoslle un vídeo para que se recuperara, que seica tivo efecto, pois hoxe xa estivo con nós:

http://vimeo.com/10720250